महाज्योती फ्री टॅबलेट योजना 2024  – तुम्हाला माहिती असेल, महाजोती अंतर्गत दरवर्षी राज्यातील मागासवर्गीय भटक्या जाती, विमुक्त जमाती मागासवर्गीय विद्यार्थ्यांना JEE/NEET/MHT-CET या परीक्षेची तयारी करण्यासाठी मोफत टॅब देण्यात येतात.

दरम्यान यावर्षी सुद्धा OBC / VJNT आणि SBC या जातीच्या विद्यार्थ्यांना MHT-CET/JEE/NEET- 2026 या बॅचमध्ये हे टॅब मोफत देण्यात येत आहेत. तसेच ऑनलाईन प्रशिक्षणासाठी महा ज्योती अंतर्गत विद्यार्थ्यांना मोफत 6GB/Day इंटरनेट डाटा देखील देण्यात येतो. महत्वाचे म्हणजे 10 जुलै 2024 अर्जाची शेवटची तारीख आहे.

अर्ज करण्यासाठी आवश्यक कागदपत्रे 

1. 10 वी ची मार्कशीट
2. 11 वी सायन्स घेतल्याचे प्रवेश पत्र (बोनाफाईट सर्टिफिकेट)
3. आधार कार्ड
4. रहिवाशी दाखला/डोमासाईल सर्टिफिकेट
5. जातीचे प्रमाणपत्र
6. नॉन क्रिमिलियर सर्टिफिकेट
7. दिव्यांग असल्यास दाखला
8. अनाथ असल्यास दाखला

अर्ज करण्याची शेवटची तारीख – 10 जुलै 2024

नोटीफिकेशन ची PDF – Click Here

अर्ज करण्यासाठी – Apply Now

पहा कोणाला घेता येईल महाजोती योजनेचा लाभ 

1. उमेदवार हा महाराष्ट्राचा रहिवासी असावा.
2. उमेदवार हा इतर मागासवर्गीय किंवा विमुक्त जाती, भटक्या जमाती किंवा विशेष मागास प्रवर्ग यापैकी असावा.
3. उमेदवार हा नॉन क्रिमिलियर उत्पन्न गटातील असावा.
4. जे विद्यार्थी 2024 मध्ये दहावीची परीक्षा पास झालेले आहेत ते विद्यार्थी अर्ज करण्यास पात्र असून त्या विद्यार्थ्यांनी अर्ज करताना अकरावी विज्ञान शाखेचे प्रवेश पत्र म्हणजेच बोनाफाईड सर्टिफिकेट व दहावीची मार्कशीट अर्जासोबत सबमिट करावी.
5. विद्यार्थ्याची निवड ही त्यांना 10 वी च्या परीक्षेत मिळालेली टक्केवारी तसेच सामाजिक प्रवर्ग व समांतर आरक्षणानुसार करण्यात येईल.
6. त्यानुसार 10 वी मध्ये शहरी भागातील विद्यार्थ्यांनाकरीता 70% किंवा या पेक्षा जास्त गुण असणे आवश्यक आहे. तर ग्रामीण भागातील विद्यार्थ्यांकरिता 60% किंवा यापेक्षा जास्त गुण असणे आवश्यक आहे.
7. तसेच विद्यार्थी शहरी किंवा ग्रामीण भागातील आहे हे विद्यार्थ्यांच्या आधारकार्ड वरील नमूद पत्या वरून ठरविले जाईल.

पहा कसे असणार आरक्षण –

समांतर आरक्षण –

1. प्रवर्ग निहाय महिलांसाठी 30% जागा आरक्षित आहे.
2. दिव्यांगांकरिता 4% जागा आरक्षित आहे.
3. अनाथांसाठी 1% जागा आरक्षित आहे.

अर्ज करण्यासाठी नियम व अटी

1. अर्ज करण्याची अंतिम तारीख 10 जुलै 2024 आहे.
2. पोस्टाने किंवा ईमेल द्वारे प्राप्त अर्जाचा विचार केला जाणार नाही.
3. जाहिरात रद्द करणे, मुदतवाढ देणे, अर्ज नाकारणे व स्वीकार याबाबतचे सर्वाधिकार हे व्यवस्थापकीय संचालक, महा ज्योती यांचे राहतील.
4. अर्ज भरताना कोणत्याही प्रकारच्या अडचणी आल्यास केवळ Mahajyoti Call Centre वर संपर्क करावा – संपर्क क्र. 0712-2870120/21 E mail ID : mahajyotijeeneet24@gmail.com
5. दरम्यान 10 वी चा निकाल लागल्यावर विद्यार्थ्यांकडून 10 वी ची मार्कशीट, विज्ञान शाखेत प्रवेश घेतल्याचा दाखला अर्थात बोनाफाईट सर्टिफिकेट व MHT-CET/JEE/NEET या परीक्षेची तयारी करत आहोत असे हमीपत्र मागविण्यात येतील.

मोफत टॅब मिळवण्यासाठी असा करा अर्ज

सर्वप्रथम महाजोतीच्या https://mahajyoti.org.in/en/home/ या संकेतस्थळावर जाऊन Notice Board क्लिक करा.

आता Application for MHT-CET/JEE/NEET-2026 Traning या वरती जाऊन ऑनलाईन पद्धतीने अर्ज करा.

अर्जासोबत आवश्यक कागदपत्रे साक्षांकित करून स्पष्ट दिसतील असे स्कॅन करून अपलोड करावे, त्यांनतर तुमचा अर्ज सबमिट होणार.